iklan

JUSTISA, HEADLINE

Tribunál liberta Arguidu TF ne’ebé deskonfia envolve kazu omesídiu tanba minoridade

Tribunál liberta Arguidu TF ne’ebé deskonfia envolve kazu omesídiu tanba minoridade

TDD. Imajen Tatoli /Dok

DILI, 05 juñu 2024 (TATOLI) – Tribunál Judisiál Primeira Instánsia Dili (TJPID), kuarta (05/6), ohin, kontinua halo interogatóriu dahuluk no liberta arguidu ho inisiál TF tanba ho idade miniridade. Kazu ne’e relasiona ho deskonfiu envolve kazu omesídiu ne’ebé halakon matebian Januario nia vida iha ponte CPLP Comoro, sesta (30/5) foin lalais ne’e.

Iha prosesu interogatóriu, ministériu promove krime omesídiu simples ne’ebé previstu iha artigu 138 hosi Kódigu Penál Timor-Leste.

Iha prosesu ne’e, Tribunál aplika medida koasaun Termu Identidade Rezidénsia (TR) ba arguidu ho inisiál J semana ida dala ida iha Ministériu Públiku. Enkuantu arguidu TF Tribunál deside liberta krime ne’ebé Ministériu Públika promove ba nia, tanba kestaun minoridade no Tribunál mós haree ba prinsípiu imputabilidade ne’ebé previstu artigu 20 hosi Kódigu Penál Timor-Leste.

Bainhira jornalista tenta halo konfirmasaun ba Defeza arguidu na’in-rua, Defensór Públiku João Carvalho, maibé parte Defeza lakohi fó komentáriu ba kestaun ne’e.

Iha interogatóriu ne’e, prezide hosi Juiz Ercilia de Jesus, Ministériu Públiku reprezenta hosi Prokuradór Osario de Deus, arguidu sira hetan asisténsia legál hosi Defesór Públiku, João Carvalho.

Rekorda fali katak PNTL Eskuadra Dom Aleixo, detein suspeitu na’in-rua ho inisiál TF no J tanba deskonfia envolve iha kazu hakotu vítima Januariu nia vida iha sesta (31/5) foin lalais.

Kazu ne’e akontese iha sesta (31/5) iha tuku 23:00 kalan bainhira vítima Januariu ho nia kolega ho motór hosi diresaun Beduku atu mai iha Ponte CPLP Comoro, bainhira vítima foin atu besik ba Ponte CPLP derepente joven sira iha área Ponte CPLP nian tuda vítima nain rua.

 

Jornalista: Natalino Costa

Editór : Zezito Silva

 

iklan
iklan

Leave a Reply

iklan
error: Content is protected !!