JUSTISA, HEADLINE

Aban, Ministra Justisa Portugál mai TL hodi asina akordu kooperasaun iha setór justisa

Aban, Ministra Justisa Portugál mai TL hodi asina akordu kooperasaun iha setór justisa

Primeiru-Ministru, Kay Rala Xanana Gusmão. Imajen Tatoli/Egas Cristovão

DILI, 06 juñu 2024 (TATOLI)- Ministra Justisa (MJ) Portugál, Rita Alarcão Júdise ,  sesta ne’e (07/06), hodi asina akordu  kooperasaun ho Governu Timor-Leste iha setór justisa

Tuir planu, Ministra Justisa Portugal sei asina akordu ho Ministru Justisa TL ho objetivu atu hadi’a sistema justisa iha TL, tanba Defensór Públiku sira Estadu mak selu maibé la’ós defende vítima vulnerável no defende fali ema ne’ebé iha osan.

“Ezemplu mak kazu kona-ba rai. Iha defensoria sei fó apoiu liu bá órden advogadu hodi harii órden advogadu ne’ebé di’ak. Alende ne’e apoia iha Ministériu Públiku no Tribunál sira,” Primeiru Ministru Xanana Gusmão hateten hafoin reuniaun ho Xefe Estadu iha palásiu Prezidensiál Aitarak-Laran.

Primeiru-Ministru esplika, ho prezensa Ministra Justisa Portugal nian sei renova asinatura akodu ida ho mudansa oitoan iha konteúdu maka Juis sira ne’ebé mai hosi Portugal la’ós atu servisu fali hodi kaer prosesu sira, hakerek akordaun sira ne’ebé juis Timoroan sira la komprende Lian Portuges bá asina de’it, no ikus mai sala hotu.

“Sira mai atu ajuda no husik Juis Timoroan sira mak deside hodi hakerek rasik. Tanba, justisa ladun di’ak, buat hotu sei rahun hotu. Iha Gabinete Primeiru-Ministru nia okos, Lucia Lobato mak haree hela prosesu reforma iha setór Justisa,” Xefe Governu subliña.

Tuir Xanana Gusmão, reforma justisa ne’e iha hanoin ida luan, maka oferese ona bolsu estudu bá joven Timor-oan sira feto no mane, halo teste didi’ak atu sira estuda direitu iha Portugal, tanba lian Portugés baibain ko’alia bele di’ak maibé kuandu to’o ona Lei nian maka tenke komprende di’ak liu tán.

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!