JUSTISA, HEADLINE

MP hahú analiza keixa husi Alkatiri hasoru Rogerio Tiago Lobato

MP hahú analiza keixa husi Alkatiri hasoru Rogerio Tiago Lobato

Prokuradór Jerál Repúblika, Alfonso Lopes. Imajen Tatoli/Egas Cristóvão

DILI, 06 juñu 2024 (TATOLI)– Prokuradór Jerál Repúblika (PJR), Alfonso Lopes, informa, daudaun ne’e  halo ona rejistu no analiza ona keixa ne’ebé eis Prezidente Autoridade Rejiaun Administrativu Espesiál Oé-Cusse Ambeno (PA-RAEOA) hatama hasoru atuál PA-RAEOA Rogerio Tiago Lobato.

“Kazu ne’e tama ona iha Ministériu Públiku, entaun ita rejistu ona atu halo lai analiza tanba ne’e titular prosedimentu mak ne’e, trasnitasaun prosesuál depois mak distribui ba númeru prokuradór ne’ebé iha, depois nia mak iha autonómia atu haree no rona husi parte hotu hafoin submete ba investigasaun hodi buka hatene husi parte hotu,” Alfonso katak ba jornalista sira iha Palásiu Prezidensiál Dili, kinta ne’e.

Prokuradór ne’e dehan iha prosesu analizasaun ba keisa ne’e ho nia durasaun konforme ba dokumentu hotu ne’ebé iha, foin bele bolu parte hotu atu hakaat ba faze investigasaun.

Rekorda fali katak, iha loron 23 maiu tinan 2024 , Antigu Prezidente RAEOA, Mari Alkatiri submete keixa ida ba MP hasoru atuál PA-RAEOA Rageiro Tiago Lobato tanba hamutuk ho autoridade seguransa hodi autoriza halo buska ba nia rezidénsia iha área Fulolo, ne’ebé laiha autorizasaun hosi uma-na’in.

Keixa ne’e hato’o bainhira Mari lamenta ba atuasaun husi Autoridade RAEOA ne’ebé buska ba nia rezidénsia iha RAEOA sem koñesimentu no koordenasaun hosi uma-nain rasik.

Tuir eis-Primeiru-Ministru ne’e, rai ne’ebé agora daudaun okupa iha Oe-Cusse, sai ona nia rezidénsia, ida-ne’e nu’udar propriedade Estadu.

Iha keixa ne’e Alkatiri husu ba MP atu tau konsiderasaun ba keixa ne’ebé nia hato’o tanba buat sira ne’e akontese tanba iha tendénsia, fó sala ba ema seluk atu halo persegisaun atu halo vigansa atu halo manipulasaun povu nian.

Rogerio Lobato sei anula dokumentu fa’an rezidénsia Fulolo

Prezidente Autoridade Rejiaun Administrativa Espesiál Oé-Cusse Ambeno (RAEOA), Rogério Tiago Lobato, promete sei anula dokumentu kona-bá akordu kontratu fa’an uma Estadu iha rezidénsia Fulolo, ne’ebé selebra husi Antigu Prezidente Autoridade Mari Alkatiri no Arsénio Paixão Bano, tanba konsidera akordu ne’e abuzu podér.

Tuir Rogério Lobato, katak akordu kontratu kompromete kompra e venda ne’e, autoridade sesante halo ona iha loron 23 outubru 2017, abaixu asinadu husi Arsénio Paixão Bano nu’udar Prezidente Autoridade em exersisíu nu’udar mós parte fa’an, ho komprador mak Mari Alkatiri.

Rekorda fali katak, iha fulan jullu 2023, komunidade afetadu sira husi bairro Samoro no bairro Masin, Aldeia Sanane, Suku Costa, hamutuk uma-kain 76 hato’o rekomendasaun 12 ba Governu Sentrál no Autoridade RAEOA hodi husu indeminizasaun no anula deliberasaun númeru 15/2017, loron 06 fulan outubru, kona-bá investimentu imobiliáriu komersiál no komplexu rezidensiál Fulolo.

Nune’e mós husu ba Terra Propriedade hodi annula tiha karta akordu kontratu promesa kompra e venda, ne’ebé realiza iha loron 23 outubru 2017, assinadu husi Arsénio Paixão Bano nu’udar Prezidente Autoridade em exersisíu nu’udar mós parte fa’an, ho komprador mak Mari Bim Amude Alkatiri.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!