iklan

HEADLINE, SEGURANSA

Ekipa Vaticano apresia preparativu seguransa Timor-Leste ba vizita Amu Papa

Ekipa Vaticano apresia preparativu seguransa Timor-Leste ba vizita Amu Papa

Ministru Interiór, Francisco da Costa Guterres. Imajen Tatoli/Francisco Sony

DILI, 08 juñu 2024 (TATOLI) – Ministru Interiór Francisco Guterres, dehan ekipa Vatikanu halo ona reuniaun no apresia kona-ba seguransa Timor-Leste ne’ebé sei asegura perante vizita Amu Papa nian.

“Portatu seguransa laiha problema, sira kontente ho ita-nia prosesu ne’e, sira kontente tanba ita nia seguransa lao di’ak, agora importante mak ita tenke kontinua koordena ho sira para sira halo servisu di’ak liután, oinsá koordena no komunika ho sira para buat hothotu lao di’ak”, Francisco Guterres hateten ba jornalista sira hafoin partisipa serimónia pose ba kargu Xefia iha Ministériu Interiór hamutuk 95 ne’ebé halo iha iha Delta Nova, sábadu ne’e.

Governante ne’e dehan, ekipa vatikanu halo ona enkontru dala rua ho Ministériu Interiór hodi koalia kona-ba preparativu seguransa Amo Papa nia vizita mai Timor-Leste.

“Ami hasoru malu ona, ami enkontru dala rua ona no koalia kona-ba kestaun seguransa Amo Papa nia, liuliu seguransa ba komunidade sira ne’ebé mai tuir peregrinasaun. Ita aprezenta hotu kestaun ne’e ba sira no sira apresia basta laiha problema. Sira haree ita-nian preparasaun seguransa ba Amo Papa sira kontente tebes no sira dehan ita seguransa standarte internasionál”, nia konklui.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!