iklan

DESPORTU, DILI, HEADLINE

Klube futeból 16 mak kontinua kompete iha Kopa Xanana

Klube futeból 16 mak kontinua kompete iha Kopa Xanana

Adeptus sira hatu asaun iha Jogu Futebol Kopa Maun Boot Kayrala Xanana Gusmão 2024, FC Ostico kontra AC Laloran FC, iha estadiun Munisípal Dili, kinta (06/06). Imajen Tatoli/Francisco Sony

DILI, 11 juñu 2024 (TATOLI)– Durante fulan-ida resin jogu ba kopa Maun Boot Kay Rala Xanana Gusmão hala’o iha faze apuramentu grupu iha klube hamutuk 32 mak kompete no ikus iha klube 16 mak ultrapasa ona ba 16 finál.

Klube ne’ebé konsege ultrapasa ba 16 finál mak hanesan, husi grupu A, Zhavia FC, Buradu FC, grupu B Kampung Alos FC, Bita-Ba FC, grupu C Coach Eleven, Fitun Ramelau, grupu D Jomar FC, AS Kantada, grupu E UEP FC, Aimou FC, grupu F Ostico FC, Hera United FC, grupu G Warikoan FC, Assa FC no grupu H Laisorulai FC ho Maubale FC.

Tuir orariu ne’ebé públika sai ona katak iha jogu 16 finál kontinua joga iha Estádiu Munisipál Dili hahú ho Zhavia FC sei kontra Bita-Ba FC tersa 11 juñu 2024 tuku 16:00 to’o remata.

Iha jogu segundu sei kontra malu entre Kampung Alor FC ho Buradu FC iha Estádiu Munisipál Dili hahú 12 juñu 2024 tuku 16:00 to’o remata, jogu ba dala tolu sei kontra malu entre Coach Eleven FC ho AS Kantada iha Estádiu Munisipál Dili tuku 13 juñu 2024 16:00 to’o remata.

Iha jogu ba dala haat sei kontra malu entre Jomar FC ho Fitun Ramelau FC iha Estádiu Munisipál Dili 17 juñu 2024 tuku 16:00 to’o remata, jogu ba dala lima sei kontra malu entre UEP FC ho Hera United FC hahú 18 juñu 2024 tuku 16:00 to’o remata.

Enkuantu jogu ba dala neen sei kontra malu entre Ostico FC ho Aimou FC iha Estádiu Munisipál Dili hahú 19 juñu 2024 tuku 16:00 to’o remata, jogu ba dala hitu sei kontra malu entre Warikoan FC ho Aimou FC hahú 20 juñu 2024 tuku 16:00 to’o remata no jogu ikus sei kontra malu entre Laisorulai FC ho Assa FC iha Estádiu Munisipál Dili hahú 24 juñu 2024 tuku 16:00 to’o remata.

Bainhira termina ona jogu 16 finál mak sei kontinua hika’as ba oitavu finál, nune’e bele haka’at ba kuatru finál iha fulan oin.

Jogu ne’e hala’o hetan suporta másimu husi patrosinadór hanesan, BRI, Banku Mandiri, Telemor, Assosiasaun Xineza iha Timor-Leste, Virine Unipesoal Lda no Timor Gap.

Jogu ne’e primeiru lugar sei simu $8,000 osan fó husi BRI, ida ne’e BRI rasik mak entrega ba klube ne’ebé kampiaun. Segudu lugar sei simu $4,500 sei fó husi Telemor sira mak fó direita, terseiru lugar sei simu $3,000 osan sei fó husi Banku Mandiri. Kuartu lugar sei simu osan $2,000 osan fó husi Assosiasaun Xineza Timor-Leste sira mak sei entrega direita, osan ami komisaun la kaer.

Iha jogu ne’e tau mós osan ba mellor markadór hamutuk $600, mellor guarda rede no mellor klube sei simu $500 husi osan ne’e apoiu husi Timor Gap ho montante $1,000. Alende ne’e Delos mós apoiu osan hamutuk $1,000.

Jogu ne’e hetan mós apoiu orsamentu husi MJDAK hodi fó subsidiu ba árbitru ne’ebé dirije jogu no sosa mós materiál lojistika nian balu hodi suporta jogu ne’e durante fulan rua hahú maiu-juñu tinan ne’e.

Notisia relevante:Derrota ho 1-2, posibilidade Vila-Vista FC elemina husi kopa Xanana

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!