iklan

HEADLINE, SEGURANSA

Zona fronteirisa sei hetan kontrolu másimu iha ámbitu vizita Amu Papa

Zona fronteirisa sei hetan kontrolu másimu iha ámbitu vizita Amu Papa

Diretora-Jerál Servisu Migrasaun, Inspetór Xefe Polísia Adelaide da Rosa. Foto/MI

DILI, 12 juñu 2024 (TATOLI) – Diretora Servisu Migrasaun (SM), Inspetora Polísia Adelaide da Rosa, hateten Servisu Migrasaun sei mobiliza rekursu tomak atu reforsa seguransa iha pontu entrada sira hanesan Batugade, Mota-Masin no Sakato, ho objetivu atu kontrola movimentasaun tama iha teritóriu nasionál iha ámbitu vizita Amu Papa.

“Preparasaun vizita Papa nian mai Timor-Leste, foin daudaun ekipa hosi Vaticano mai enkontru tán ho ami no ami atualiza preparasaun Servisu Migrasaun nian ba ekipa Vaticano katak parte Servisu Migrasaun atu kontrola movimentu ema tama iha territóriu nasionál. Iha enkontru ami mós atualiza ba sira katak Servisu Migrasaun sei mobiliza rekursu ne’ebé iha atu fó kontrolu ne’ebé másimu ba ema nia movimentu tama iha territóriu nasionál iha ámbitu vizita Amu Papa no ekipa Vaticano sira apresia ba preparasaun Timor-Leste nian hodi simu vizita Amu Papa nian”, Adelaide da Rosa hateten ba jornalista sria iha nia kna’ar fatin Servisu Migrasaun, Vila Verde, kuarta ne’e.

Inspetora dehan, enkontru entre ekipa Vaticano Servisu no Migrasaun haree liu ba kritériu konvidadu importante no peregrinu sira hosi nasaun viziñu.

“Sira husu ba ita atu haree liu ba kritériu sira ba konvidadu importante sira no peregrinadu sira ne’ebé sei liuhosi fronteira terrestre oinsá Servisu Migrasaun bele haree ida-ne’e ho didi’ak no ami esplika ba sira katak kritéiu sira, ami labele fó sai iha ne’e, maibé ami prepara hotu ona”, nia informa.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!