iklan

NASIONÁL, DESPORTU, DILI, HEADLINE

Warikoan semo ba oitavu finál bainhira manán Maubale 4-2

Warikoan semo ba oitavu finál bainhira manán Maubale 4-2

Adeptus sira hatudu espresaun iha ambitu Jogu Futebol Kopa Maun Boot Kayrala Xanana Gusmão 2024, Warik Oan FC kontra Maubale FC iha estadiun Munisípal Dili, kinta (20/06). Imajen Tatoli/Francisco Sony

DILI, 20 juñu 2024 (TATOLI) – Ekipa istimadu husi Munisipiu Viqueque Warikoan FC susesu iha nia jornada hodi semo ba oivu finál bainhira manán adversariu Maubale FC ho eskore 4-2, iha kopa Maun Boot Kay Rala Xanana Gusmão ne’ebé realiza iha Estádiu Munisipál Dili, kinta loraik ne’e.

Bainhira jogu la’o ekipa rua lansa kedan kontra no atake ne’ebé tuir tékniku no abilidade  jogadór parte rua iha.

Warikoan ho ambisaun ne’ebé maka’as hakarak manán jogu ne’e, jogadór sira hatudu jogu ne’ebé bonitu halo adeptus sira ne’ebé tur nakonu iha tribun Estádiu hakilar ho lian maka’as hodi fó suporta ba sira nia ekipa favoritu.

Jogu Futebol Kopa Maun Boot Kayrala Xanana Gusmão 2024, Warikoan FC kontra Maubale FC iha estadiun Munisípal Dili, kinta (20/06). Imajen Tatoli/Francisco Sony

Maubale mós la nonok, lansa mós atake ne’ebé adekuadu hasoru Warikoan, maibé Warikoan sempre hamate jogu ne’ebé Maubale halo.

Jogu la’o to’o minutu 32 jogadór Maubale konsege sobu defeza Warikoan nune’e fó kedan oportunidade ba Eufrasio (9) lansa ona golu hodi muda rezultadu ba 1-0, Golu ne’e halo Maubale kontente no hatudu jogu ne’ebé bonitu liutan.

Warikoan la hakfodak ho golu ne’ebé iha, maibé sira kontinua esforsu, kontinua hatudu jogu, maibé seidauk iha oportuniade halo golu.

Maubale halo atake ne’ebé másimu ikus iha minutu 36 jogadór Eexpedito Ximenes (24) lansa tan golu ida lori rezultadu dook-uitoan husi Warikoan. Golu ne’e hanesan golu ikus ba ekipa rua iha minutu primeira parte ho nune’e Maubale mak lidera provijoriu jogu.

Haka’at ba segunda parte Warikoan hatudu nia forsa ne’ebé kompletu, harudu nia jogu bonitu hodi halo presaun maka’as ba Maubale halo Maubale book-aan susar.

Husi ne’e, Warikoan hetan ona nia jogu ho ritmu ne’ebé di’ak iha minutu 53 jogadór Nelio de Jesus (7) konsege responde ona golu ba Maubale hodi muda rezultadu ba 1-2.

Golu ne’e hanesan golu kontente ba Warikoan hodi fó esperansa katak sei manán jogu ne’e. Ho esperansa ne’ebé Warikoan iha la hela de’it hanesan esperansa tanba minutu 70 jogadór Anizo Boavida (12) lansa tan golu ida lori rezultadu nafilak ba 2-2.

Golu ne’e halo Maubale nia prestasaun monu maka’as no laiha ona ritmu jogu hanesan primeira parte. Ho erru ne’ebé Maubale iha Warikoan utiza kedan oportunidade iha minutu Viegas (11) halo tan golu ida muda rezultadu ba 3-2.

Maubale tenke esforsu maka’as, maibé esforsu ne’ebé Maubale halo hela de’it hanesan esforsu tanba la hatudu prova. Warikoan kontinua joga ho ambisaun ikus minutu ikus iha minutu 85 jogu atu termina ona jogadór Ximenes (9) termina golu ikus hodi muda rezultadu ba 4-2 hodi halo terus Maubale no tebe sai kedan husi kopa Xanana.

Vitoria ne’e lori Warikoan mak avansa ba oitavu finaál, enkuantu Maubale hela ho derrota no labele ona avansa ba oin, maibé hein fali oportunidade seluk iha tempu seluk.

Notisia relevante:Warikoan FC manán Bairo da Paz FC 4-1

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!