iklan

JUSTISA, HEADLINE

Tribunál kondena sidadaun Australianu ida ho pena prizaun tinan 11

Tribunál kondena sidadaun Australianu ida ho pena prizaun tinan 11

TDD. Imajen Tatoli /Dok

DILI, 24 juñu 2024 (TATOLI) – Tribunál Judisiál Primeiru Instánsia Dili (TJPID) iha tersa, (25/6), liuhosi leitura akordaun fó sentensa ba sidadaun Australianu ho insiál RFT kondena ho pena prizaun tinan 11 tanba faktu sira ne’ebé Ministériu Públiku aprezenta durante julgamentu provadu katak sidadaun Australianu ne’e komete duni violasaun abuzu sexuál kontra minoridade.

“Akuzasaun sira ne’ebé mak durante ne’e Ministériu Públiku aprezenta iha prosesu julgamentu ba kazu ida-ne’e, Tribunál haree katak fatus hotu ne’ebé Ministériu Públiku aprezenta ne’e provadu hotu katak arguidu RFT halo duni prátika abuzu sexuál hasoru lezada ho inisiál X, tanba ne’e Tribunál deside fó pena únika prizaun tinan 11 ba arguidu”, Juiza Prosesu Maria Solana deklara bainhira lé sai sentensa ba kazu violasaun abuzu sexuál kontra minoridade iha sala julgamentu.

Juiz Solana haktuir tuir katak faktu sira provadu katak arguidu RFT halo abuzu ba lezadu X laos dala ida ka rua maibé arguidu halo atus ne’e dala barak ona, hahú lejadu hela ho arguidu iha Marconi barak maibé dala barak bainhira lejadu foin tinan hitu to’o lejadu kompleta tinan 11.

“Arguidu obriga lejadu hodi halo prátika abuzu sexuál ida-ne’e laos dala ida maibé dala barak, tanba ne’e Tribunál kondena arguidu ho pena tinan 11, prizaun ho konkursu krime rua abuzu sexuál kontra minoridade ne’ebé previstu iha artigu artigu 177 númeru 2 alinea A no D hosi Kódigu Penál Timor-Leste ho nia agravasaun tuir 180 hosi Kódigu Penál Timor-Leste”, nia haktuir.

Faktu sira provadu katak arguidu mak hanorin prátika abuzu sexuál ba lejada tanba ne’e ho hahalok arguidu nian, Tribunál laiha dúvida atu kondena arguidu.

“Ida-ne’e mak desizaun kuandu arguidu lakonkorda liuhosi ita-nia Defeza bele hato’o rekursu hodi kontesta desizaun Tribunál nian, iha prazu loron tolu 30 nia-laran”, Juiza dehan.

Defeza hosi Arguidu RFT, Defensór Públiku Francisco Martins, hateten hanesan Defeza hosi arguidu nian lamenta ho desizaun Tribunál Primeira Instánsia nian tanba Tribunál rona de’it hosi parte ida no parte balun la rona.

“Tribunál la haree ba prinsípiu kontraditóriu sasin sira ne’ebé ami aprezenta no video ne’ebé ami aprezenta ba Tribunál la apura, Tribunál rona de’it hosi parte vítima, Ministériu Públiku no sasin balun de’it. Tanba ne’e hanesan Defeza ami sei halo rekursu iha loron 30 nia laran hodi kontra desizaun Tribunál”, nia dehan.

Tuir faktu ne’ebé Ministériu Públiku arolla katak kazu ne’e akontese iha 2015 bainhira arguidu RFT ba hasoru lejada nia família iha Taibesi hodi husu lajada atu ba hela hamutuk ho nia iha Marconi no arguidu kompromete katak nia mak selu hotu lejada nia eskola, maibé ho konsentimente arguidu halo tiha atus ne’e hasoru lejada no hahalok arguidu nian PNTL halo kedan detensaun ba arguidu. No lejada halai ba hela tiha nia família sira iha Aimutin.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!