DILI, 08 jullu 2024 (TATOLI)—Governu liuhusi Ministériu Finansa (MF) rekolla dadus husi Banku Nasionál Nasionál Komérsiu Timor-Leste (BNCTL), ne’ebé rejista iha tinan kotuk timoroan sira ne’ebé serbisu iha rai-li’ur hatama remesa (transferénsia osan) mai Timor-Leste hamutuk millaun $407.
Remesa sira simu husi timoroan ne’ebé iha Austrália, Koreia Súl, Irlándia no Inglatera.
“Ita haree husi panorama makroekonómiku ba remesa ninian, iha tinan kotuk ita-nia timoroan sira ne’ebé serbisu iha rai-li’ur kontribui remesa mai Timor-Leste hamutuk millaun $407, husi sira ne’e Austrália mak kontribui maka’as,” Diretór Koordenadór Ekipa Tékniku Diresaun Nasionál Polítika Ekonómiku husi MF, Filipe Nerry, relata liuhusi aprezentasaun iha diskusaun Jornada Orsamentu tinan 2025, ne’ebé hala’o iha auditóriu MF, Aitarak-laran, foin lalais ne’e.
Notísia relevante : Timor-Leste simu remesa millaun $119 hosi traballadór
Aleinde ne’e, rejista mós remesa ne’ebé haruka husi estranjeiru ne’ebé serbisu iha Timor-Leste bá rai-li’ur hamutuk millaun $239.
“Governu bele hetan reseita millaun $2-3 kada tinan bainhira implementa 1% ba remesa ne’ebé sai,” nia akresenta.
Jornalista : Arminda Fonseca
Editora : Julia Chatarina
