iklan

INTERNASIONÁL, DESPORTU, DILI, HEADLINE

Boxista Elidio despede ho Governu hodi bá kompete boxe profisionál iha Indonézia

Boxista Elidio despede ho Governu hodi bá kompete boxe profisionál iha Indonézia

Ekipa El-Matadór akompaña Boxista, Elidio da Conceição hodi hala'o despedida ho Governu molok aranka ba Jakarta hodi kompete iha profisionál boxing, iha Palasiu Governu, kuarta (10/07). Imajen Tatoli/Francisco Sony

DILI, 10 jullu 2024 (TATOLI)- Boxista husi klube El-Matador Elidio da Conceição halo ona despedida ho Governu, lihusu Vise-Primeiru-Ministru, Ministru Koordenadór Asuntu Sosiál no Ministru Dezenvolvimentu Rurál no Habitasaun, Mariano Assanami Sabino no Ministru Juventude Desportu Arte no Kultura (MJDAK), Nelyo Isaac Sarmanto hodi dezloka ba Indonézia hodi tuir kompetisaun Boxe profesionál.

“Ohin, ami ba hasoru Governu Vise-Primeiru-Ministru Mariano Assanami Sabino hanesan despedida ida, sira la apoiu orsamentu, maibé ami ba husu apoiu morál, atu nune’e ita nia Boxista ba joga ho di’ak,” Treinadór El-Matador Abilio Orlando dos Santos hateten ba Agência TATOLI, iha Benfica Dili, kuarta ne’e.

Boxista Elidio da Conceição El-Matador sei halo despedida ho Governu, atu aranka ba Jakarta hodi kompete profisionál boxin

Boxista Elidio ho ekipa sei arranka ba Indonézia hahú aban 11 to’o 18 Jullu mak fila hikas mai Timor-Leste.

Elidio ba joga iha Indonézia tanba hetan konvite espesiál husi Holywings Sport Show (HSS) Indonézia no sira rasik tau matan ona ba Boxista timoroan ne’e, bainhira hatudu prestasaun di’ak mak sira sei ko’alia hodi hola.

“Promotór profesionál Boxe Indonézia nian mak fó ona tawaran ida ba ita nia Boxista Elidio atu ba kompete iha sira nia eventu HSS ne’ebé sei hala’o semana oin 14 Jullu,” Abilio dehan.

Abilio dehan tan, “Nia ba agora ne’e kategoria profesionál ona. Nia agora la amatir ona, nia sei joga hahú husi ronde dala-haat, futuru mai fali nia sei joga fali iha ronde dala-neen to’o ronde-12, ita orgullu tanba El-Matador agora iha ona Boxista profesionál. Ba ida agora ne’e nia reprezenta Timor-Leste mak ba joga ne’e. Maibé Indonézia iha ona hanoin atu foti nia hodi joga iha sira nia klube, maibé ita sei haree lai atu halo negosiasaun tanba se nia joga ba oin atu reprejenta Indonézia ka Timor-Leste ida ne’e mak ita sei ko’alia”.

Tuir oráriu ne’ebé iha Elidio sei kompete ho Boxista Indonézia Jepriko. Iha luta ne’e Elidio manán Boxista ne’e mak HSS sei kaer-metin kedan Elidio.

Treinadór ne’e iha esperansa ba nia Boxista sei hatudu prestasaun di’ak iha Indonézia hodi hamorin Timor-Leste nia naran.

Notísia relevante: Boxista Elidio da Conceição husi klube El-Matador preparadu bá kompete iha Indonézia

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!