Top

Tribunál aplika prizaun preventiva ba arguidu na’in-rua tanba transfere osan ho ilegál

TDD. Imajen Tatoli /Dok

DILI, 30 jullu 2024 (TATOLI) – Tribunál Judisiál Primeira Instánsia Dili (TJPID) iha tersa (30/7), ohin, liuhusi despaisu ikus, aplika medida koasaun Prizaun Preventiva ba arguidu na’in-rua ho inisiál SDP MU tanba provadu duni katak arguidu sira servisu hamutuk ho arguidu na’in-lima seluk hodi halo tansferénsia osan ilegál iha Banku Mandiri ho millaun $42 iha sesta 26 jullu 2024.

Razaun seluk Tribunál aplika medida koasaun Prizaun Preventiva ba arguidu na’in-rua tanba sai hanesan rede prinsipál ne’ebé asosia iha grupu arguidu na’in-lima seluk hodi konsege foti sai osan millaun $3 husi osan millaun $42 ne’ebé iha no fatu no provadu duni katak osan millaun $3 ne’ebé antes arguidu na’in-lima seluk fó duni osan rihun $150 ba arguidu na’in-rua atu lori ba liur maibé lakonsege tanba PCIC servisu hamutuk ho intelijénsia sira halo kedan apreensaun ba osan refere.

Arguidu timor oan ho inisiál FCO, Tribunál deside aplika de’it medida koasaun Aprezentasaun Periódika fulan ida dala ida iha eskudra polísia ne’ebé besik tanba fatu sira ne’ebé Ministériu Públiku aprezenta iha interogatóriu lasufisiente atu Tribunál aplika medida koasaun Prizaun Preventiva.

interogatóriu dahuluk ba arguidu sira, Ministériu Públiku ne’ebé reprezenta husi Prokuradór, João Marques, Pedro Baptista no Domingos Goveia Leite ho krime tolu mak Brankeamentu Kapitál Aritgu 13, Burla Informátika Artigu 268 no Asosiasaun Kriminoza Artigu 188, husi Kógidu Penál Timor-Leste.

Primeiru Interrogatóriune’e prezide husi Juiza Albertina Neves, Ministériu Públiku reprezenta hosi Prokuradór João Marques, Pedro Baptista no Domingos Gouveia Barreto. Arguidu SDP ho MU hetan asisténsia legál hosi Advogada Priváda Adelina Melo no Arguidu timoroan ho inisiál FCO asisténsia legál husi ne’ebé orijen hosi Defensór Públiku José Maria Guterres.

Hafoin Tribunál ensera audiénsia interogatóriu dahuluk ba arguidu na’in-tolu, PCIC halo atendimentu ba kazu ne’e, transporta kedan arguidu estranjeiru na’in-rua SDP no MU ba Prizaun Becora hodi kumpre medida koasaun Prizaun Preventiva.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!