DILI, 07 agostu 2024 (TATOLI) – Governu liuhosi reuniaun Konsellu Ministru (KM) aprova projetu rezolusaun Governu, ne’ebé hatudu importánsia atu selebra loron labarik iha Timor-Leste, ne’ebé hatuur ona iha loron 01 fulan-juñu hanesan loron nasionál labarik timoroan.
“Konsellu Ministru aprova rezolusaun ne’e atu klarifika loloos katak loron 01 fulan-juñu hanesan loron nasionál ba labarik timoroan sira,” Ministru Prezidente Konsellu Ministru (MPKM) Agio Pereira, hateten ba jornalista sira iha Palásiu Governu, kuarta ne’e.
Ministru Agio dehan, rezolusaun ne’e aprezenta hosi Vise-Primeiru-Ministru, Ministru Koordenadór Asuntu Sosiál no Ministru Dezenvolvimentu Rurál no Abitasaun Komunitária, Mariano Assanami Sabino.
Notísia relevante:Membru PN husu Governu asegura labarik sira-nia direitu ba protesaun
Jornalista: Hortencio Sanchez
Editór : Rafael Ximenes de A. Belo
