Top

Disponibiliza formasaun tékiniku Notariadu molok instala mákina prodúsaun passaporte

Passaporte eletróniku komún kór me’an no diplomata kór metan. Foto/espesiál.

DILI, 26 agostu 2024 (TATOLI) – Diretór Jerál Servisu Rejistu Notariadu (DGSRN), Agostinho Gonçalves Viera, hateten ekipa tékniku husi empreza Thales hahú fó formasaun ba ekipa tékniku Notarido, molok halo instalaun ba mákina Isla Prodúsaun Passaporte rua ne’ebé to’o ona iha Timor-Leste.

“Los duni, mákina prodúsaun passaporte rua ho naran Isla ne’e mai tiha ona iha Timor-Leste iha kinta semana kotuk. Agora ne’e ekipa tékniku husi kompañia Thales iha ne’e ona, sira hahú ohin fó ona formasaun ba ekipa husi Notariadu, depois formasaun mak ita foin avansa ba halo instalasaun sistama ba mákina rua ne’e, ha’u espera katak 15 setembru, ita bele konklui ona instalasaun ba mákina rua refere”, Agostinho dehan ba jornalista sira iha nia kna’ar fatin Notariadu Mandarin, segunda, ohin.

Nia dehan, formasaun ne’e durante semana rua no partisipa husi tékniku Notaridu nia na’in haat.

“Ha’u hanoin formasaun ida-ne’e importante tebes ba ekipa tékniku Notaridu para eleva sira-nia koñesimentu. Tanba mákina ne’e ninia prosesu operasaun hotu uza sistema, ho nune’e mak tenke tuir uluk formasaun oinsá atu maneja mákina rua ne’e ho di’ak, para ekipa tékniku Thales entrega ba Notaridu, ita-nia tékniku sira bele maneja mesak ona mákina rua ne’e”, nia adianta.

Agostinho afirma, mákina rua ba prodúsaun passaporte kuandu instala ona mak loron ida bele prodús passaporte 400.

Nia dehan, mákina rua ba prodúsaun passaporte, nia utilizasaun ne’e másimu tinan lima de’it, sé liu tinan lima ne’e halo manutensaun.

Jornalista: Natalino Costa

Editór : Zezito Silva

Publisidade

Leave a Reply

Latest Post

error: Content is protected !!