DILI, 09 setembru 2024 (TATOLI) – Governu liuhusi Ministériu Administrasaun Estatál (MAE) entrega tuku 9h34 entrega ona kareta haat ne’ebé atu tula Amu Papa Francusco durante vizita iha Timor-Leste. Bainhira entrega ekipa Vatikanu halo kedan inspesaun ba kareta hirak ne’e.
Karreta hirak ne’e entrega direta husi Ministru Tomas Cabral, akompaña husi Diretór Servisu Nasionál Intelijénsia (SNI) no Segundu Komandante PNTL Komisariu Pedro Belo iha edifisiu Nunsiatura Motael Dili, segunda ne’e.
Karreta ne’e lori husi seguransa Polísia Nasionál Timor-Lesre (PNTL) Unidade Espesiál Polísia (UEP).
“Bele haree direta, kareta mak ne’e, kareta sei nol-kilo,” Ministru Tomas hateten ba ekipa Vatikanu sira.
Karreta haat ne’ebé entrega ho marka, Jeep rua no toyota ida no velfirre ida, husi kareta haat ne’e rua kor mutin no rua kor silver.
Karreta hirak ne’e prepradu ona hodi arranka ba Aeroportu Internasionál Prezidente Nicolau Lobato Comoro Dili tanba tuir oráriu ne’ebé iha Amu Papa to’o iha Timor-Leste iha oras 14h10.
Jornalista: Hortencio Sanchez
Editor: Florencio Miranda Ximenes
