DILI, 11 setembru 2024 (TATOLI)–Sua Santidade Papa Francisco sei halo enkontru ho reprezentante juventude 3.000 iha Sentru Konvensaun Dili (CCD) maibé sarani sira hiit-aan hmriik nakonu hodi hein Santu Padre iha rotunda Prezidente Nicolau Lobato, Comoro.
Sarani sira hanesan husi labarik no ferik-katuas sira hatais nafatin kamizola ho imajen Papa Francisco, ho entuziasmu hein Papa ne’ebé atu husik Timor-Leste hodi hala’o vizita pastorál no voo ba Singapura to’o 13 setembru 2024.
Sarani João da Silva Horta hanesan joven hein hela amu Papa hahú husi tuku ualu atu despede amu Papa, tanba durante loron tolu vizita pastorál no Estadu iha Timor-Leste ne’e husik mensajen korajen Dame no unidade no bele hametin kreda Timor-Leste nia fiar.
“Ha’u hakarak mai hein iha ne’e hodi hein amu Papa, tanba ohin loron ikus nia prezensa iha Timor-Leste, no iha tuku tuku 11h00 liu, Papa sei fila ba Singapura,” nia hateten ba Agência Tatoli, iha rotunda Comoro.
Foinsa’e ne’e espresa ninia laran kontesnte ba prezensa Santu Padre nian hodi hamanas fiar timoroan nian.
Jornalista : Jesuína Xavier
Editór : Cancio Ximenes
