iklan

HEADLINE, KAPITÁL

MAE prepara motorizada rua ba kada suku iha territóriu

MAE prepara motorizada rua ba kada suku iha territóriu

Diretór Jerál Desentralizasaun Governu Lokál iha MAE, António Augusto Guterres. Imajen Tatoli/Francisco Sony

DILI, 14 outubru 2024 (TATOLI)Ministériu Administrasaun Estatál (MAE) konklui ona prosesu aprovizionamentu motorizada ba suku sira hotu no hein atu distribui iha tempu badak.

“Motorizada ba xefe suku sira iha faze aprovizionamentu hotu ona no iha diresaun patrimóniu oinsá bele tau plat, depois iha novembru hanesan ne’e ita distribui ba sira,” Diretór Jerál Desentralizasaun Governu Lokál iha MAE, António Augusto Guterres, informa ba jornalista sira, iha ámbitu formasaun ba funsionáriu sira, iha Fatuhada.

Notísia relevante : MAE sei distribui motorizada 904 ba suku 452

MAE sei distribui motorizada rua ba kada suku, ba autoridade lokál no nia delegada sira bele hala’o knaar suku nian iha baze.

“Motorizada iha rua, ida boot no ida kiik. Ida ba xefe suku no ida ba delegada na’in-haat hodi halo servisu administrasaun suku,” nia akresenta.

MAE sei distribui motorizada hamutuk 844 ba suku iha territóriu tomak. Husi totál motorizada sira ne’e, iha unidade 500 mak diresaun halo ona inspesaun no restante iha prosesu inspesaun, nune’e bainhira hotu mak sei entrega ba xefe suku sira.

Jornalista     : Jesuína Xavier

Editora          : Julia Chatarina 

iklan
iklan

Leave a Reply

iklan
error: Content is protected !!