PR Horta simu prémiu prestijiozu Guerra Junqueiro Luzófonu”
DILI, 27 outubru 2024 (TATOLI)– Prezidente Repúblika, José Ramos-Horta, hetan onra ho Prémiu Luzófonu Guerra Junqueiro, durante serimónia ne’ebé hala’o iha livraria FNAC Sentru Komersiál Alameda, Porto, foin lalais ne’e.
Prémiu ne’e rekoñese nia Ramos-Horta nia kontribuisaun destakadu ba promosaun lian portugés no fortalesimentu kultura luzófona.
Elojia prestijiadu ne’e aprezenta hosi Nuno Manuel Rocha Gomes Ferreira, Prefeitu hosi Freixo de Espada à Cinta, fatin moris hosi poeta portugés koñesidu Guerra Junqueiro.
“Agradese klean ba rekoñesimentu no importánsia hosi Prémiu Literáriu Guerra Junqueiro hodi hametin lasu sira entre nasaun luzófona sira,” tenik Horta liuhosi nota ne’ebé Agência TATOLI asesu hosi media Palásiu Prezidensiál, ohin.
Prémiu anuál Guerra Junqueiro selebra autór sira no figura públika sira ne’ebé kontribui ba enrikesimentu lian portugés no patrimóniu literáriu iha nasaun luzófonu sira.
Serimónia entrega prémiu nian iha Freixo de Espada à Cinta destaka ligasaun istóriku no kulturál entre laureadu sira no knua hosi eskritora portugés selebradu Guerra Junqueiro.
Jornalista: Hortencio Sanchez
Editór: Florencio Miranda Ximenes
