DILI, 08 novembru 2024 (TATOLI) – Komandante Departamentu Investigasaun Kriminál (DIK) Nasionál, Superintendente Xefe João Belo, hateten autór sira ne’ebé PNTL asegura foin daUdaun ne’e iha área Cristo Rei iha ema hamutuk 27 mak sai autór prinsipál.
“Autór lubuk ida mak sira aprezenta mai. Maibé tuir identifikasaun ne’ebé ami halo só iha totál 27 mak hanesan suspeitu prinsipál no suspeitu ne’ebé direta no indireta ba asaun krime ida-ne’e’’, Superintendente Xefe João Belo, dehan ba jornalista sira iha nia kna’ar fatin Komandu Jerál PNTL Caicoli, sesta, ohin.
Nia rekorda, pesoál informasaun polísia iha tersa (5/) foin lalais iha madrugada, ekipa konjunta husi servisu informasaun polísia, J2, Unidade FALITIL, SNI no servisu informasaun sira seluk asegura ema lubuk ida liga ho krime burla, maibé hafoin PNTL halo tiha iha 27 konsidera autór prinsipál ne’ebé envolve krime foti subar motór iha Dili laran inklui iha munisípiu.
“Ita-nia sidadaun sira ne’e iha área Dili laran hanesan área Cristo-Rei, Bebonuk, Hudi-Laran Gan 45, Kampung Baru, Kampung Tuti, Taibesi no ita asegura evidénsia 14.
Nia dehan, hafoin halo tiha identifikasaun no investigasaun ba autór 27 PNTL halo kedan auto notísia hodi submete kazu ne’e ba Ministériu Públiku ho númeru NUC 0272/2024-PNSIK no evidénsia motorizada sira ne’e polísia aprezenta hotu ona ba Ministériu Públiku.
“Ami hein delegasaun kompeténsia fila fali husi Ministériu Públiku atu kontinua kee kazu ne’e”, nia dehan.
Hatan kona-ba krime burla sira ne’e no polísia kaer tiha suspeitu maibé husik fali, Superintendente Xefe João Belo, hateten Timor-Leste nia lei mak nune’e polísia halo tuir lei de’it.
“Kazu sira hanesan ne’e dala barak envolve minoridade, tuir lei minoridade labele responsabliza nia atu kriminál, kuandu ita identifika mak nia minoridade, entaun PNTL só halo identifikasaun no investigasaun de’it ba kazu sira hanesaan”, nia konklui.
Jornalista: Natalino Costa
Editór : Zezito Silva
