DILI, 20 novembru 2024 (TATOLI) – Komisáriu Komisaun Anti-Korrupsaun (CAC, sigla portugés), Rui Pereira dos Santos, dehan CAC rejista kargu xefia hamutuk 400-resin seidauk halo deklara rikusoin.
“Kargu xefia ne’ebé mak seidauk halo deklarasaun bens no redimentu besik atus hat resin, ne’e komulativu ne’ebé kleur tiha ona ne’ebé konta husi Komisáriu Komisaun Anti-Korrupasaun iha ona no ami notifika sira ona kuandu sira la kumpre mak implementasaun tuir lei MPCC haruka”, Rui hateten ba jornalista sira hafoin atualiza servisu UNCAC ba funsionáriu CAC no instituisaun relavante sira ne’ebé hala’o iha salaun diplomátika Ministériu Negósiu Estranjeiru no Kooperasaun (MNEK) kuarta ne’e.
Rui dehan, lei Medida Prevensaun Kombate Korrupasaun (MPCC, sigla portugés) iha artigu 51 dekreve katak kuandu kargu xefia ida mak atraza halo nia deklarsaun bens no rendimentu ba CAC durante loron tolu nulu, hahú husi nia simu pose mak sei hetan sansaun koa nia saláriu mensál 25%.
Komisáriu CAC simu ona karta husi ekipa téknika CAC katak iha kargu xefia hamutuk atu haat resin mak ladauk halo deklarasaun ba sira-nia rikusoin.
“Ha’u simu ona dokumentu no dokumentu ne’e mai iha Komisáriu nia meza leten, sira ne’ebé mak la kumpre ami sei notifika sira kuandu notifika bebeik, la kumpre ami sei implementa koima. Ha’u sei haruka despaisu ne’e ba Ministériu Finansas no ba ita-nia Banku Sentrál atu koalia osan husi kargu xefia ne’ebé tarde halo deklarasaun rikusoin iha CAC”, nia afirma.
Nia subliña, lei MPCC koalia kargu xefia sira nia osan 25% tanba ne’e kuandu kargu xefia sira-nia saláriu mensal mak menus entaun banku mak koa.
“Tanba ne’e husu ba sira kuandu imi-nia osan menus, ne’e imi lalika buka ona, ne’e banku mak koa. Kuandu kargu xefia sira ne’e la kumpre nafatin CAC kontinua implenta tuir lei MPCC koa tan 30% depois ami mós sei notifika ba superiór ministru no institituisaun sira seluk ho Komisaun Funsaun Públiku atu fó sansaun disiplinár sira seluk kargu xefia sira ne’e,”nia konklui.
Jornalista: Natalino Costa
Editór : Zezito Silva
