DILI, 05 dezembru 2024 (TATOLI) – Prezidénsia Repúblika Timor-Leste, iha kolaborasaun ho IX Governu Konstitusionál, ho haksolok fó sai kona-ba Timor Island Adventure ne’ebé sei mai, eventu siklizmu prestijiadu ida durante loron neen ne’ebé atravesa Timor-Leste no Indonézia.
“Inisiativa desportu transfronteira ne’e hatudu parseria forte entre nasaun rua no hatudu mós paizajen furak sira iha Illa Timor,” refere nota ne’ebé Agência TATOLI asesu husi media Palásiu Prezidensiál, ohin.
Aventura Illa Timor sei hala’o iha loron 08-13 fulan-dezembru 2024 liuhosi etapa dezafiante neen. Hosi Fulan Fehan iha Belu, Indonézia to’o Munisípiu Baucau iha Timor-Leste. Iha Siklista ne’ebé rejistadu hamutuk 54 hosi Timor-Leste, Indonézia no Austrália.
Oráriu
Etapa I: 8 dezembru 2024 | Fulan Fehan (BELU) ba Betun, Pantai Loodik (Malaka)
· Distánsia: 83.6 km
· Aumentu iha elevasaun: metru 1,995
· Hahú Korrida: 07:15
Etapa II: 9 dezembru 2024 | Betun, Malaka ba Suai Loro (COVALIMA)
· Distánsia: 109 km
· Aumentu iha elevasaun: 233 metru
· Hahú Korrida: 07:00
Etapa III: 10 dezembru 2024 | Suai Loro (COVALIMA) ba Loak (MANUFAHI)
· Distánsia: 72.67 km
· Aumentu iha elevasaun: metru 751
· Hahú Korrida: 07:00
Etapa IV: 11 dezembru 2024 | Loak (MANUFAHI) ba Aubeon, Natarbora (MANATUTO)
· Distánsia: 67.2 km
· Aumentu iha elevasaun: 208 metru
· Hahú Korrida: 07:00
Etapa V: 12 dezembru 2024 | Aubeon, Natarbora (MANATUTO) ba Loihuno, Ossu (VIQUEQUE)
· Distánsia: 67.6 km
· Aumentu iha elevasaun: 455 metru
· Hahú Korrida: 07:00
Etapa Finál: 13 dezembru 2024 | Loihuno, Ossu (VIQUEQUE) ba Baucau
· Distánsia: 61.3 km
· Aumentu iha elevasaun: metru 1,106
Hahú Korrida: 07:00
Grande Serimónia Enseramentu: 18:00-19:00.
Eventu prestijiadu ida-ne’e hatudu kompromisu atu promove turizmu desportu internasionál no hametin ligasaun rejionál sira.
Trajetu korrida nian dezeña ho kuidadu hodi hatudu beleza naturál no patrimóniu kulturál tantu Timor-Leste no Indonézia nian.
Jornalista: Hortencio Sanchez
Editór: Florencio Miranda Ximenes
