iklan

DESPORTU, DILI, HEADLINE

Tinan ne’e, Federasaun Atletizmu hala’o formasaun ba treinadór nasionál no munisípiu

Tinan ne’e, Federasaun Atletizmu hala’o formasaun ba treinadór nasionál no munisípiu

Prezidente Federasaun Atletizmu Timor-Leste, Afranio Xavier. Imajen Tatoli/Sérgio da Cruz.

DILI, 09 janeiru 2025 (TATOLI)– Prezidente Federasaun Atletizmu Timor-Leste (FATL), Afrânio Amaral,  hateten, tinan ne’e  realiza formasaun ba treinadór sira iha nasionál no munisípiu atubele hasa’e liutan kapasidade hodi fó treinamentu ba atleta sira.

“Tuir kalendáriu tinan ida ne’e tenke fó formasaun ba treinadór sira uluk ne’ebé hetan ona formasaun iha tinan 2021, nune’e bele aumenta sira nia nivél treinadór atu fó treinamentu ba atleta sira ho di’ak,” Prezidente Afrânio hateten ba Agência TATOLI iha Estádiu Munisipál Dili, ohin.

Molok ne’e, treinadór na’in-200 resin mak tuir ona formasaun báziku, nune’e treinadór hirak ne’e mak sei tuir fila fali formasaun hodi aumenta nivél ida ba nivél rua.

“Ita nia treinadór sira ne’ebé tuir ona formasaun báziku iha 2021 na’in-200 resin, sira ne’e mai husi Postu Administrativu sira iha Timor-Leste, sira ne’e mak ita sei hili fali tuir tuir formasaun hodi hasa’e sira nia nivél,  maibé sira ne’e ita sei haree lai sira nia intelijénsia di’ak, sira nia inglés di’ak mak sei tuir no sira ne’e formasaun remata sei hetan sertifikadu hosi World Atletic no Asian Atletic,” nia tenik.

Formasaun ne’ebé FATL atu realiza ne’e formadór na’in-rua ne’ebé federasaun konvida ona no hetan rekomendasaun husi World Atletic.

“Formasaun ne’e ita realiza iha tinan ida ne’e, fulan mak ami sei haree hela konserteza iha tinan ne’e nia klaran ita bele realiza ona,”  Afrânio hakotu.

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!