iklan

EKONOMIA, HEADLINE

DNIK rekolla reseita $259.000 iha tinan 2024

DNIK rekolla reseita $259.000 iha tinan 2024

Osan dólar amerikanu. Imajen/Espesiál

DILI, 10 janeiru 2025 (TATOLI)–Ministériu Transporte no Komunikasaun (MTK) liuhusi Diresaun Nasionál Infraestrutura no Komunikasaun (DNIK) konsege rekolla reseita $259.000 ba kofre Estadu iha tinan 2024.

“DNIK nia reseita maihusi atividade rua hanesan servisu domain .tl no aluga kabu backbone husi Eletrisidade de Timor-Leste (EDTL),” Diretór Nasionál Infraestrutura no Komunikasaun, Ambrosio Amarál, informa ba Agência Tatoli iha Palásiu Governu, sesta ne’e.

Notisia relevante : DNIK rekolla reseita $27.000 durante janeiru-juñu 2024 husi rejistasaun domain

Diresaun Nasionál ne’e rekolla reseita $2.000 iha tinan 2023, ne’ebé mai husi aluga fibra ótika no servisu domain .tl

DNIK aloka orsamentu $2.810.000 iha tinan 2024, ne’ebé to’o dezembru ne’e konsege ezekuta  ona 99,70%. Iha tinan 2025, DNIK aloka orsamentu millaun $2,9.

Diresaun Nasionál ne’e daudaun ne’e rejista domain ativu hamutuk 2.251, kompostu husi gov.tl iha 237, .tl 1.732, .com.tl 137, .edu.tl 52, mil.tl 20, net.tl 26 no org.tl 47.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!