iklan

EKONOMIA, HEADLINE

IQTL prevee rihun $90 ba akizisaun ekipamentu teste ba produtu sira

IQTL prevee rihun $90 ba akizisaun ekipamentu teste ba produtu sira

Vogál II husi IQTL, Gustavo de Oliveira Maia.

DILI, 22 Janeiru 2025 (TATOLI) – Institutu Kualidade Timor-Leste (IQTL, sigla portugés) aloka rihun $90 hodi sosa ekipamentu item tolu ba teste produtu mina-nuu, kafé no bee iha tinan ne’e.

Vogál II husi IQTL, Gustavo de Oliveira Maia, hateten prosesu atu halo akizisaun ba mákina sira ne’e nia konkursu públiku halo ona iha tinan kotuk no iha ona empreza manán-na’in mak Seroça Unipessoal Lda.

Nia salienta katak mákina item tolu ne’e presiza tebes atu sosa, tanba daudaun ne’e setór privadu sira atu esporta produtu lokál ruma, tenke lori amostra bá rai-li’ur hodi halo teste hafoin bele haruka.

“Ita sosa uluk mákina item tolu ne’e tanba prioridade liu no bazeia ba ita-nia pedidu husi setór privadu sira atu teste ba sira-nia produtu durante halo esportasaun, liuliu kafé, mina-nuu no bee”, Gustavo Maia dehan ba Tatoli iha Bebora, Dili.

Nia salienta katak daudaun ne’e halo hela reabilitasaun ba laboratóriu IQTL nian no atinje ona 90%. Aleinde ne’e, halo ona instalasaun ba ekipamentu teste ba kalibrasaun nian no, tuir planu, sei inaugura iha Fevereiru 2025 ne’e.

Tuir dirijente ne’e, ekipamentu item tolu ne’ebé atu sosa ne’e sei ajuda tebes tanba ida-ne’e kritériu ida ne’ebé bele priense mós rekizitu Timor-Leste nia adezaun ba Organizasaun Mundiál Komérsiu (OMK), liuliu teste kualidade produtu esportadu sira.

Notísia relevante: Finaliza instalasaun ekipamentu iha laboratóriu nasionál IQTL

Jornalista: Arminda Fonseca

Editora: Maria Auxiliadora

iklan
iklan

Leave a Reply

iklan
error: Content is protected !!