DILI, 25 Fevereiru 2025 (TATOLI)—Embaixadora Xina ba Timor-Leste, Wang Wenli, sei apoia Polísia Nasionál Timor- Leste (PNTL) iha área formasaun nune’e bele tulun PNTL atu halo servisu ne’ebé di’ak liután ba povu no nasaun.
“Embaixada Xina iha futuru kontinua suporta Polísia Nasionál Timor-Leste,” Wang Wenli hateten ba jornalista sira hafoin reuniaun tripartida entre Embaixada Xina, Komandu PNTL no Asosiasaun Emprezária Xina iha Timor-Leste ba daruak ne’ebé halo iha Embaixada Xina, Dili, tersa ne’e.
Diplomata ne’e afirma katak bá-oin liuhusi kooperasaun ne’ebé Embaixada Xina no PNTL iha mak sei haruka membru Polísia Nasionál Timor-Leste ba Xina hodi kontinua kapasita sira-nia aan.
“Ami sei hala’o programa hanesan komunikasaun no haruka membru PNTL sira bá aprende no hetan treinamentu iha Xina. Treinamentu ne’e halai bá oinsá polísia bele serbí komunidede ho profisionál no papél polísia atu asegura seguransa interna,” nia relata.
Jornalista: Natalino Costa
Editór: Xisto Freitas da Piedade
