DILI, 26 Abríl 2025 (TATOLI) – Ritu taka kaixaun Papa Francisco nian halo ona iha tuku 20h00 oras Itália (tuku 03h00 madrugada otl), ne’ebé prezide husi Kardeál Camerlengo Kevin Farrell.
Taka kaixaun Papa nian ho ritu Romanu Pontífise.
“Durante ritu ne’ebé prezide husi Kardeál Camerlengo, mestre ba selebrasaun litúrjika halo leitura ‘Rogito’ (Eskritura), ne’ebé koloka iha kaixaun laran iha finál serimónia”, haktuir nota husi Vatikanu.
Ritu ne’e partisipa husi ema ne’e indikada husi Notifikasaun Departamentu Selebrasaun Litúrjika no família balun Papa nian.
Selebrasaun ne’e hala’o tuir preskrisaun “Ordo Exsequiarum Romani Pontificia, ne’ebé termina iha tuku 09h00 kalan”.
Durante kalan Cabido São Pedro asegura ho prezensa orasaun no vijília hamutuk iha korpu Amu-Papa no preparasaun misa ba fúnebre nian iha tuku 10h00 dadeer (tuku 17h00 otl).
Depoizde misa hotu, mate-isin Papa nian sei lori bá Bazílika Santa Maria Maggiore iha Roma, Itália, iha fatin ne’ebé sei haloot tuir nia legadu espirituál.
Papa Francisco hakotu iis iha loron 21 Abríl iha Roma, iha tuku 7:35 oras lokál, iha nia rezidénsia Casa Santa Marta ho idade 88.
TATOLI
