DILI, 02 Maiu 2025 (TATOLI)-Prezidente Repúblika, José Ramos Horta, kontinua enkoraja jornalista Timoroan atu onestu, profisionál atu hametin integridade.
“Primeiru, ha’u-nia omanajen ba jornalista sira mundu, invasaun jornalista lubuk ida maka mate. Ho ida-ne’e omenajen ba jornalista Timoroan, imi-nia knaar ho korajen, integridade, onestidade profesionalizmu. Tan ne’e mak tau mós Timor nia naran iha freedom aas tebtebes”, Xefe Estadu dehan ba jornalista sira iha Aeroportu Prezidente Nicolau Lobato, Komoro.
Xefe Estadu hatutan: “sira ida mate iha funu ne’e kuandu militár ida mate, ita bele hatete ne’e tanba funu no kuandu jornalista ida mate”, katak nia.
“Iha opiniaun internasionál ba jornalista sira ne’ebé mate iha funu tanba sira buka informasaun atu informa ba opiniaun públika mundiál kumpre sira nia traballu. Sira-nia servisu hanesan médiku ida, ida ONU ne’e maka sira halo, ne’e duni omenajen ba sira hotu”, katak.
Notísia relevante: Konsellu Imprensa aprezenta pontu importante ualu iha Loron Mundiál ba Liberdade Imprensa
Jornalista : Osória Marques
Editora : Rita Almeida
