DILI, 07 Maiu 2025 (TATOLI)—Jurista Alexandre Corte-Real husu Prezidente Tribunál Rekursu (PTR), Afonso Carmona, iha nia mandatu tenke redús ona kazu pendente sira iha Tribunál Judisiál Primeira Instánsia sira.
Tuir nia kazu iha Tribunál kada tinan aumenta ba beibeik, dalaruma tinan ida to’o kazu pendente rihun-lima.
“Ha’u-nia mensajen mak ne’e, hanesan Prezidente Tribunál Rekursu foun, tenta atu redús kazu pendente sira-ne’ebé iha hela Tribunál,” Alexandre Corte-Real hateten ba TATOLI iha nia kna’ar fatin, UNTL, Kaikoli, kuarta ne’e.
Alexandre rekoñese katak halakon ne’e difísil maibé pelumenus redús para públiku bele fiar no satisfás ho servisu Tribunál nian.
Jornalista: Natalino Costa
Editór: Xisto Freitas da Piedade
