PR Horta sei kondekora medalla kolár ba Eis PTR no PJR

DILI, 16 Maiu 2025 (TATOLI)—Prezidente Repúblika, José Ramos Horta, iha loron 19 Maiu ne’e, sei kondekora medalla grau kolár ba Eis Prezidente Tribunál Rekursu (PTR), Deolindo dos Santos no Eis Prokuradór Jerál Repúblika (PJR), Alfonso Lopez.
“Eis Prezidente Tribunál Rekursu, Deolindo dos Santos no Eis Prokuradór Jerál Repúblika, Alfonso Lopez, sei kondekoradu ho medalla kolár,” Prezidente Repúblika (PR) hateten ba jornalista sira bainhira vizita Tribunál Rekursu, Kaikoli, Dili, sesta ne’e.
Nia esplika, razaun fó kondekorasaun ba autór judisiáriu na’in-rua ne’e tanba presta ona sira-nia servisu ba área justisa liu tinan 20 ona.
Aleinde ne’e, Horta dehan, kondekora mós Juíz Konsileiru sira, Defensór Públiku, Prokuradór inklui funsionáriu sira husi Ministériu Negósiu Estranjeiru no Kooperasaun (MNEK) ne’ebé servisu liu tinan 20 ona.
Jornalista: Natalino Costa
Editór: Xisto Freitas da Piedade

