Top

PNTL halo identifikasaun ba suspeitu ne’ebé estraga ai-oan iha jardín Ai-mutin

Komandante Polísia Munisípiu Dili, Superintendente Xefe Polísia Orlando Gomes. Imajen TATOLI/Francisco Sony

 DILI, 11 Jullu 2025 (TATOLI)-Komandante Polísia Nasionál Timor-Leste (PNTL) Munisípiu Dili, Superintendente Xefe Polísia Orlando Gomes, hateten eskudra Don Aleixo halo ona identifikasaun ba suspeitu ho naran inisiál AC ne’ebé estraga ai-horis ne’ebé empreza kuda iha jardín postu penál Ai-mutin.

Nia dehan hafoin simu informasaun ne’e, ekipa servisu sekreta no polísia halo kedas detensaun no identifikasaun ba suspeitu.

Superintendente Xefe Polísia Orlando Gomes afirma polísia nia obrigasaun buka tuir  ema ne’ebé halo krime hodi responsabliza nia aktu sira inklui mós ba sidadaun ne’ebé estraga sasán sira ne’ebé ema tau ona iha dalan públiku.

Ai-oan 15 ne’ebé empreza kuda ho naran ‘Pala’ maibé suspeitu estraga rua. Durante identifikasaun suspeitu konfesa nia mak lori katana taa ai-oan nia tahan sira.

“Bainhira polísia halo identifkasaun ba suspeitu tuir lei tenke liberta no hein prosesu tuir mai, tanba polísia halo identifikasaun ba ema iha 12 oras, tempu labele liu ida-ne’e”, nia afirma.

Nia husu ba sidadaun hotu-hotu, autoridade lokál membru Konsellu Polisiamentu Komunitáriu (KPK) sira atu tau atensaun ba propriedade Estadu, liuliu ai-oan sira ne’ebé kuda iha jardín sira iha kapitál Dili.

Jornalista       : Natalino Costa

Editora           : Rita Almeida

Publisidade

Leave a Reply

Latest Post

error: Content is protected !!