DILI, 20 Agostu 2025 (TATOLI)–Governu hamutuk ho FALINTIL-Forsa Defeza Timor-Leste (F-FDTL) no vetersanu sira no kari ai-funan iha portu Díli, hodi hanoin hikas eroi/na sira-ne’ebé lakon ka rate laek no hanoin hikas memória sakrifisiu FALINTIL sira-nian iha funu laran.
Serimonia kari ai-funan ne’ebé partisipa husi membru Governu, Membru Parlamentu Nasional F-FDTL, Veteranu no mos família Antigu kombatente iha tuku 12h00 no ramata iha tuku 13h00-resin ne’e, hodi komemora aniversáriu loron FALINTIL ba da-50 (20 Agostu 1975-20 Agosru 2025) ho tema “Estende a Paz ao Mundo”.
Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, hatetetn kari ai-fuan iha fatin ida-ne’e atu hanoin hikas sakrifisiu FALINTIL nian ne’ebé halo ba rai ida-ne’e.
“Ita hamutuk iha ne’e atu halo omenajem ba ita-nia eroi sira, tanba sofimentu ne’ebé ami simu daudaun ne’e ladun todan maibé imi-nia sakrifisiu ne’ebe halo mai ami todan liu,” Falur Rate Laek hateten antese kari ai-funan ba iha tasi laran iha portu Dili.
Tanba ne’e, Falur Rate Laek husu ba joven sira nafatin banati tuir memória FALINTIL nian ne’ebé mak assuwa’in sira husik hela ba jerasaun foun sira.
Jornalista : Felicidade Ximenes
Editór : Cancio Ximenes
