DILI, 12 Setembru 2025 (TATOLI)–Membru 50-resin FALINTIL-Forsa Defeza Timor-Leste (F-FDTL) husi Kuartel Jerál, Sesta ne’e, hahú tuku 06:00 daderr partisipa iha atividade marsa forsada.
Atividade hahú ho la’o ain ho distánsia kilómentru hitu, hahú husi área Tibar, Postu Administrativu Bazartete, Munisípiu Likisá mai iha Diresaun foho leten Tibar nian no termina iha estátua Joao Paulo II iha Tasi-tolu.
Marsa forsada tinan ne’e hala’o iha kapitál Dili no posibilidade bele fora husi Dili bainhira hetan orden husi Komandu.
Notísia relevante : Governu komemora loron Konsulta Populár ba dala-XXVI ho marsa saudável
Xefe Divizaun Finansa Komandu F-FDTL, Majór Domingos Marques da Costa Freitas hateten, atividade ne’e tama ona iha planu matrix anuál Komandu F-FDTL nian.
“Marsa forsada ne’e ne’e atu mantein forsa sira-nia fíziku, mantein opersionalidade forsa nia, nune’e saúde bele di’ak nafatin,” Komandante Marques hateten ba Ajénsia TATOLI, hafoin termina atividade iha Tasi-tolu.
Nia dehan, ezerisísiu ne’e fahe ba marsa forsada no iha marsa korrida, ne’ebé ba marsa forsa ne’e tuir martrix ne’ebé iha, kada fulan-tolu dala-ida, ne’ebé partisipa husi forsa komponente sira. “Marsa forsa ne’e obrigatóriu.”
Jornalista : Natalino Costa
Editora : Julia Chatarina
