DILI, 07 Novembru 2025 (TATOLI)–Ekipa Buibere Football Club (FC) halakon Akadémika FC ho skor 1-5 iha jogu jornada datoluk primeira divizaun Liga Futeból Femininu Timor-Leste (LFFTL).
Ekipa rua hala’o jogu iha parte dahuluk ho rezultadu skor 1-1 iha-ne’ebé Akadémika mak lidera uluk golu ne’ebé prodús iha minutu neen (6), enkuantu Buibere FC konsege responde golu hodi halo skor impata iha minutu 20.
Notísia relevante: Aban, kontinua hikas jogu LFFTL
Buibere FC lidera fali tabela skor iha parte daruak ho skor ikus 1-5, iha-ne’ebé golu haat prodús husi jogadora sira hanesan Epifânia da Costa iha minutu 44, Merícia Barbosa minutu 60 no 84, enkuantu golu ikus enxe husi jogadora Leliana Silva iha minutu 85.
Ho rezultadu jogu entre ekipa rua eleva Buibere FC provizoriamente lidera hikas tabela klasifikasaun ho pontu sia (9) hafoin manán tolu (3), enkuantu Akadémika FC iha pozisaun dalimak, rezultadu ho pontu tolu (3), manán ida (1) no derrota rua (2).
Jornalista: Natalino Belo
Editór: Xisto Freitas da Piedade
