DILI, 04 Dezembru 2025 (TATOLI)—Maria Conceição husi klube AD SLB Laulara provizoriamente sai mellór markadora (top score) iha primeira divizaun Liga Futeból Femininu Timor-Leste.
Jogadora avansada husi AD SLB to’o jogu jornada daneen prodús golu hamutuk 27 iha-ne’ebé sai markadora dahuluk iha primeira divizaun LFFTL hafoin kontra ekipa sira hanesan Kulugisa FC, VDL, UNITAL, Na’in-Feto, Maranatha no Akadémika FC.
Aleinde ne’e, Deonísia da Silva husi Buibere FC iha pozisaun daruak ho golu 18, Nivia Bahkita sai markadora datoluk ho golu sanulu (10) no Serena Lopes mós golu sanulu (10) no Vanesa Fernandes iha pozisaun dalimak nu’udár markadora ho golu ualu (8).
Entretantu, kompetisaun primeira divizaun Liga Futeból Femininu Timor-Leste to’o jornada daneen, AD SLB kontinua lidera tabela klasifikasaun ho pontu 16, rezultadu manán lima (5), impata ida (1), enkuantu iha pozisaun ikus kontinua okupa husi Kulugisa FC ho pontu 0, rezultadu derrota neen (6).
Jornalista: Natalino Belo
Editór: Xisto Freitas da Piedade
