DILI, 02 Fevereiru 2026 (TATOLI)-Prezidente Repúblika (PR), José Ramos-Horta, hato’o karta ba Parlamentu Nasionál hodi informa ninia viajen privada bá Abu Dhabi iha Emiradu Árabe Unidu (EAU).
Tuir konformidade iha dispostu iha númeru 3, artigu 80 Konstituisaun, ho meiu ne’e PN informa sei auzente iha territóriu nasionál ho dezlokasaun privada traballu bá Abu Dhabi entre loron 03 no 05 Fevereiru ne’e no fila hikas mai Timór iha 06 Fevereiru.
Ho programa partisipa iha eventu importante iha relevánsia boot ho Timor-Leste hanesan Goverment Submit, human fraternity fórum ne’ebé anualmente reúne Xefe Estadu no Governu no alta dignatária.
Antes ne’e, iha 19 Janeiru 2026, Prezidente Repúblika, hato’o uluk ona karta ba Parlamentu hodi halo viajen privada ba Davos, Suísa, hodi partisipa fórum ekonómiku mundiál.
Prezensa Xefe Estadu nian ne’e subliña Timor-Leste nia kompromisu ba envolvimentu multilaterál ne’ebé konstrutivu no ninia papél proativu hodi fornese solusaun koletiva.
Lembra katak, durante tinan 2025, Parlamentu halo aprovasaun ba asentimentu dezlokasaun vizita Estadu no ofisiál Prezidente Repúblika, José Ramos-Horta, hamutuk da-11 hodi bá nasaun 11.
Aleinde ne’e, PR mós informa ninia vizita privada balun ba rai-li’ur ba órgaun lejislativa ne’e.
Notísia relevante: Prezidente Repúblika informa PN kona-ba vizita privada bá Suísa
Jornalista: Nelson de Sousa
Editora: Maria Auxiliadora
