Calema hakarak aprende no hakerek múzika iha dalen Tetun
DILI, 29 Maiu 2026 (TATOLI)—Artista husi São Tomé Prinsipe ne’ebé koñesidu ho naran Duo Calema, Fradique Mendes Ferreira no António Mendes Ferreira, iha vontade hakarak aprende Tetun atu nune’e bele halo múzika balun ba dalen Tetun, maibé ho múzika sira-ne’ebé mak sira bele anima komunidade Timor-Leste.
Notísia Relevante: Prezidente Ramos-Horta kondekora insígnia orden TL ba artista Duo Calema
“Ha’u tenke haree para atu bele ko’alia Tetun. Iha Timor-Leste rekoñese ami ka múzika no hakarak agradese tanba Timorense gosta ami-nia múzika. Ami espera katak ho múzika ne’ebé mak ami atu lori ba atividade eventu TasiFest ne’e bele anima joven no povu Timorense, tanba nasaun ida-ne’ebé ko’alia lian Portugés. Iha loron 30 Maiu, ami sei festeza hamutuk iha Tasi-Tolu,” Duo Calema hateten ba jornalista sira liuhusi konferénsia Imprénsa ne’ebé hala’o iha Hotel Timor, kinta (28 Maiu 2026) ne’e.
Aleinde ne’e, Duo Calema ne’e hato’o agradesimentu ba komisaun organizadora Festival TT TasiFest ba tinan ida-ne’e (2026), tanba bele tanba fó tan oportunidade ba sira bele mai tan Timor-Leste ba dala rua.
Objetivu sira kontinua simu konvite husi Festival TT TasiFest ba tinan ida-ne’e, tanba hakarak hametin liután relasaun amizade ho Timor-Leste, tanba hanesan nasaun ne’ebé mós hola parte iha komunidade País Lingua Portugues (CPLP).
‘’Ha’u sente mais ba dala rua, ida-ne’e atu kontinua ligasaun ne’ebé mak eziste iha país luzofonu sira kontinua mai iha Timor-Leste, tanba país ida-ne’ebé mak furak no riku ho imajem di’ak sira, liuliu tasi no foho sira-ne’ebé sai hanesan memoria mai ami nunka atu haluha Timor-Leste,” nia dehan.
Notísia Relevante: Artista Calema hasoru PM Xanana, “Ami sente hanesan iha uma rasik”
Jornalista : Felicidade Ximenes
Editór : Cancio Ximenes
