DILI, 17 Jullu 2026 (TATOLI)—Ekipa AD. SLB Laulara susesu iha nia jornada daualu Liga Futeból Timorense bainhira halakon nia adeversariu Coração FC ho rezultadu 4-0, iha jogu ne’ebé realiza iha Estadiu Munisipál Dili, sesta kalan.
Husi vitoria ne’e lori AD. S.L.B hadi’a kedan nia pontu no hatudu sira_nia ambisaun atu kompete iha tabele klasifikasaun leten liu. SLB hein de’it jogu ida hodi kompleta nia jornada hodi termina nia kampiaun no jogu ikus SLB sei kontra Aitana FC.
Provizóriu SLB lidera tabela klasifikasaun ho pontu 22, pontu barak liu klube sira seluk iha Primeira Divizaun. Santa Cruz mak sei bele hadau malu ho SLB bainhira SLB falla iha nia jogu ikus kontra Aitana.
Jogu hahú ho ritmu kalma. SLB ho treinadór Vicente Ramos Freitas, tama ho formasaun 4-3-3. Filonito Nogueira guarda-rede, defeza lidera husi Filomeno da Costa no Fernando de Carvalho. Iha meiu kampo, Jonatas Pereira tenta kontrola bola hamutuk ho Jhon Frith Ornayi no Fabio Pereira. Iha oin, Mario Belo no Mouzinho de Lima tenta fura defeza Coração.
Coração FC ho treinador Mirobaldo Bento mós mai ho 4-3-3. Georgino da Silva iha lina oin, linha defeza 4 ho Januario Pinto, Estevao de Almeida, Lesy Atox, no Jeka Monteiro, meiu kampo, Jose Pinto, Paulo Anderson, no Adaiao Soares, Atakante na’in-tolu, Jamito Bragança, Neddy Goncalves, no Yohanes Jehaman.
Jogu la’o husi minutu ba minutu. Iha minutu 17, Mouzinho de Lima hetan bola no fura rede Coração muda rezultadu ba 1-0.
Golu Mouzinho nian mantein to’o minutu primeira parte termina, SLB provzóriu lidera 1-0.
Tama segunda parte, iha minutu 63, Serafin Brito aumenta ba 2-0. Minutu 66, Jhon Frith Ornayi skor tan ba 3-0. No iha minutu 90+5, Italo Soares Pementel taka ho penalti ba 4-0.
Coração tenta halo jogu maibé la sai tuir sira nia hakarak, basá blokeia metin husi SLB to’o apitu finál lian vitoria hela ba SLB.
Jornalista : Hortêncio Sanchez
Editór : Cancio Ximenes
