OJE 2026: IGEADI ezekuta ona millaun $3
DILI, 10 Agostu 2026 (TATOLI)—Institutu Jestaun Ekipamentu Apoiu Dezenvolvimentu Infraestrutura (IGEADI) ezekuta ona Orsamentu Jerál Estadu (OJE) 2026 hamutuk millaun $3 (38%).
Prezidente Institutu Jestaun Ekipamentus Apoiu Dezenvolvimentu Infraestrutura (IGEADI), Ana Paula da Cruz, hateten tinan ida-ne’e OJE ba iha millaun $8 no ninia ezekusaun orsamentu atuál ne’e sura ho obligasaun entaun atinje ona 60%.
“Tanba se ita haree de’it ba ezekusaun atuál entaun 38% maibé ita haree mós ba obligasaun entaun ita gasta kuaze millaun $6, hela millaun $2 mak seidauk gasta tanba ne’e tama ba iha saláriu no pagamentu direta,” Prezidente IJEADI ne’e informa ba Agência Tatoli liuhusi telefóniak, ohin.
Ezekusaun ne’ebé iha kobre husi kategória saláriu vensimentu, beins servisu no kapitál dezenvolvimentu, enkuantu ezekuzasaun ba kapitál dezenvolvimentu kiik tanba IGEADI halo pagamentu bazeia ba progresu, maske projetu la’o hela ona maibé ninia progresu seidauk iha rezultadu entaun sira seidauk bele halo pagamentu.
“Iha beins servisu ami hela de’it rihun $60 (13%), seidauk bele ezekuta tanba bainhira iha pagamentu direta mak ami foin bele hasai osan. Enkuantu salariu vensimentu, ami gasta ona rihun $700 no balansu hela rihun $15. Ha’u fiar katak to’o fulan-Dezembru ami bele ezekuta hotu,” nia dehan.
Jornalista : Alexandra da Costa
Editór : Cancio Ximenes
