Hauleo ho populasaun 50-resin seidauk asesu ba eletrisidade
ERMERA, 28 Setembru 2026 (TATOLI) – Populsaun 50-resin iha aldeia Hauleo, suku Haupu, postu Administrativu Lolotoe, munisípiu Ermera, dezde tempu ukun-an seidauk asesu ba liña eletrisidade, tanba ne’e abitante sira husu ba Governu atu tau atensaun.
“Ita independénsia tinan 24 ona seidauk asesu ba eletrisidade”, abitante Hauleo, Martinho dos Santos, hatete ba Tatoli iha Letefoho, ohin.
Nia dehan katak ida-ne’e sai preokupasaun komunidade nian no difikulta oan sira atu estuda iha tempu kalan.
Administradór Postu Administrativu Letefoho, Joel Gomes, hatete postu ne’e iha suku sia, aldeia 67 ho populasaun 6.333. Husi númeru ne’e, hela aldeia Hauleo mak seidauk asesu liña eletrisidade.
Tuir informasaun husi Ministru Obra Públika, aldeia ne’e tama ona iha prosesu konkursu públiku no iha tempu badak sei dada liña eletrisidade ba populasaun sira.
Jornalista: Nelson de Sousa
Editora: Maria Auxiliadora
