DILI, 30 dezembru 2022 (TATOLI)-Prezidente Repúblika (PR), José Ramos Horta, ho delegasaun kinta ne’e iha tuku 12h00 (Horas Lisboa) iha Portugál, hafoin halo viajen naruk husi Timor-Leste, tranzita iha Bali (Indonézia) no Doha (Qatar).
Notísia Relevante: Ohin, PR Horta dezloka ba Brazíl
Tuir komunikadu imprensa ne’ebé Ajénsia TATOLI asesu ohin, katak to’o iha Aeroportu Lisboa, Xefe Estadu ho delegasaun simu hosi Embaixadora Timor-Leste iha Portugál Isabel Amaral Guterres.
Iha sesta (30 dezembru) ne’e, iha tuku 09h55 Lisboa, Xefe Estadu sei kontinua halo viajen hamutuk ho ninia omólogu hosi Portugál Macelo Rebelo de Sousa sei hala’o viajen hamutuk no no sei to’o iha Brazíl iha tuku 16h10 (oras Brasilia).
Xefe Estadu dezloka ba Brazíl ne’e, atu partisipa serimonia investidura Prezidente Repúblika Federativa Brazíl eleitu, Luis Inácio Lula da Silva, iha loron 01 fulan-janeiru tinan 2023.
Antes fila hikas mai Timor-Leste, Xefe Estadu sei hasoru malu ho ninia omólogu Prezidente Brazíl Luis Inácio Lula Silva iha loron 02 fulan-janeiru 2023 no mós ho entidade importante seluk iha Brazíl, hodi ko’alia kona-ba programa kooperasaun.
Prezidente Republika deklara antes dezloka ba Brazíl katak, presiza reforsa kooperasaun ho Brazíl iha área sientífika, agrikultura no edukasaun.
Jornalista : Nelson de Sousa
Editór : Cancio Ximenes
