DILI, 26 setembru 2023 (TATOLI)—Parlamentu Nasionál (PN), tersa ne’e, liuhosi reuniaun plenária aprova pedidu asentimentu hodi autoriza Prezidente Repúblika (PR), José Ramos Horta, hala’o vizita Estadu ba Roma ho Dubai, ho rezultadu votasaun a-favór 46, kontra 0 no abstensaun 17.
Notísia Relevante: PN autoriza PR Horta hala’o vizita Estadu ba Cuba-EUA
“Nune’e, pedidu asentimentu autoriza Przidenet Repiblika ne’e pasa,” Prezidente Parlamentu Nasionál, Maria Fernanda Lay, hateten iha sala plenária PN.
Tuir ajenda, PR nia dezokasaun vizita ofisiál serbisu iha sede Programa Alimentár Mundiál (World Food Programe-WFP) ne’ebé sei hala’o entre loron 05-06 outubru 2023 iha Roma, Itália.
Ajenda dezlokasaun vizita Estadu ba Emiradu Árabe Unidu ne’e, inklui partisipa iha global leaders invesment submmit, ne’ebé sei hala’o entre loron 13-18 outubru 2023, iha Dubai.
Parlamentu Nasionál tuir termu númeru 1 artigu 80 no alínea h) númeru 3 artigu 95 konstituisaun fó asentimentu deslokasaun Prezidente Repúblika.
Jornalista : Nelson de Sousa
Editór : Cancio Ximenes
