DILI, 22 Setembru (2025)- Embaxadór foun Portugál ba Timor-Leste, Duarte Bué Alves, segunda ne’e, entrega karta kredensiál ba Xefe Eatdu ka Prezidente Repúblika José Ramos-Horta antes hala’o misaun diplomata iha Timor-Leste.
Embaixadór Duarte nia misaun iha Timor-Leste hodi troka embaixadora sesante Manuela Bairros ne’ebé mandatu remata ona.
Notísia Relevante: Embaixadora Manuela Bairos konsidera PM sai aliadu fundamentál ba Portugál
“Ohin Embaxadór Portugál mai entrega karta kredensiál ba Prezidente Repúblika hodi hala’o servisu diplpmasia iha Timor-Leste, ida-ne’e hatudu katak relasaun ida-ne’ebé istóriku entre ita ho Portugálal,” Ministru Negósiu Estranjeiru no Kooperasaun (MNEK) Bendito Freitas hateten ba jornalista sira iha iha Palásiu Prezidensiál Nicolau Lobato, Bairru Pite.
Nia dehan, Timor-Leste ho Portugáll kontinua hametin liutan relasaun di’ak iha área diplomasia no hametin koopersaun enter Portugál no Timor-Leste.
“Papel kona-ba reprejentasaun diplomátika kontinua forte, kontinua dinámika atu nune’e asuntu sira ne’ebé ligadu ho kooperasaun entre ita ho Portugál kontinua metin liutan ba oin,” Ministru ne’e dehan.
Kooperasaun entre TL-Portugál
Kooperasaun entre Timor-Leste no Portugál mak relasaun bilaterál ne’ebé forte, foku ba dezenvolvimentu sustentável Timor-Leste liuliu iha área edukasaun, saúde, justisa, no seguransa.
Portugál mós fó apoiu finanseiru no tékniku ba Timor-Leste, hanesan ba programa foun ne’ebé sei implementa to’o 2028, ne’ebé reforsa relasaun amizade no solidariedade entre nasaun rua ne’e.
Área Kooperasaun:
Durante ne’e Portugál halo kooperasaun servisu ho Timor-Leste lihusi área importente sira mak hanesan;
Edukasaun: Kooperasaun iha área edukasaun konsolida apoiu ba Eskola Referénsia, reforsa formasaun ba profesór no pesoál administrasaun no hasa’e kapasidade profesór timoroan.
Saúde: Hatutan kooperasaun iha área saúde, inklui saúde militár hodi hasa’e kapasidade profisionál saúde iha Timor-Leste.
Justisa, Seguransa no Defeza: Foku atu hametin sistema legál, hadi’a efisiénsia instituisaun no promove boa-governasaun, hanesan mós reforsa kooperasaun iha área defeza.
Infraestrutura no Enjeñeria: Reforsa kolaborasaun iha área enjeñeria sivíl, transporte, telekomunikasaun, enerjia no bee-moos nomós reabilitasaun patrimóniu kulturál.
Programa Estratéjiku Kooperasaun 2024-2028
Programa foun ne’e asina husi Ministru Negósiu Estranjeiru entre nasaun rua no sei implementa to’o 2028.
Objetivu mak atu kontribui ba dezenvolvimentu sustentável Timor-Leste, liuhusi intervensaun iha área prioridade ne’ebé sei foka ba dezenvolvimentu umanu, Eetadu direitu, boa-governasaun, no setór infraestrutura.
Fatór sira: Vínkulu Istórika no Kultural: Relasaun amizade entre Timor-Leste no Portugál bazeia ba afinidade istórika, kulturál no linguístika ne’ebé forte.
Solidariedade no Apoiu: Portugál mós fó apoiu ba Timor-Leste dezde uluk, ne’ebé bele konsidera hanesan “solidariedade ne’ebé prontu” ba nasaun foun ida.
Notísia Relevante: SEKOMS-Embaixadora Portugál diskute kona-ba formasaun ba jornalista sira
Jornalista : Hortencio Sanchez
Editór : Cancio Ximenes
