DILI, 18 janeiru 2023 (TATOLI)—Diretór Jerál Sektretariadu Tékniku Administrasaun Eleitorál (STAE), Acilino Manuel Branco, hateten hateten iha eleisaun lejislativu tinan ne’e, STAE mak sei sertifika votante sira-ne’ebé rejistu iha sentru votasaun paralelu.
Notísia Relevante: STAE sei estabelese sentru paralelu iha eleisaun parlamentár 2023
“STAE mak sei sertifika votante sira ne’ebé rejistu iha sentru votasaun paralelu, nune’e mós eleisaun Lejizlativa. Aleinde ne’e, STAE sei la burokratiza prosesu ne’e, la presiza koordena ho ajénsia Estadu sira seluk hodi rejista votante foun sira,” Acilino Branco hateten ba Ag^encia Tatoli, iha Caicoli, Dili.
Nia deklara ba públiku katak eleitór ne’ebé hakarak rejista diretamente kona-ba eleisaun Lejizlativa, eleitór foun sira iha ligasaun ho sentru votasaun sira iha kapitál ne’e STAE mak sei atende direita.
Tuir nia, medida ida-ne’e sei ajuda fasilita rejistu votante foun sira sein burokrasia ne’ebé liuhosi instituisaun sira seluk.
STAE labele aumenta burokrasia ho entidade Estadu sira seluk ho dalan ne’ebé estraga votante sira-nia direitu atu vota, instituisaun Estadu nian balu, inklui estrutura lokál sira hanesan lider suku sira, ho responsável ba Edukasaun, Universidade sira, Komisaun Funsaun Públiku no ospitál sira, atu nune’e bele la’o ho impostu.
Rejistu eleitorál iha sentru votasaun paralelu iha eleisaun prezidensiál ne’e, STAE rekoñese katak implementasaun sentru votasaun paralelu iha kapitál ne’e la adekuadu, tanba ne’e STAE hakarak atu hala’o resensiamentu eleitorál foun ba eleisaun Lejizlativa sira no ida-ne’e signifika órgaun eleitorál tenke evita burokrasia.
Iha tinan kotuk, nia informa, STAE rejistu eleitór hamutuk 4,032 iha sentru votasaun paralelu tolu ne’ebé hanesan iha Dili ne’e eleitór hamutuk 1,900, iha edifísiu Institutu Nasionál Administrasaun Públika ne’e eleitór hamutuk 641 no iha Jinastiku iha Dili no hamutuk 1,471 iha eskola Tékniku Vokasionál Becora.
Notísia Relevante: STAE apela ba sidadaun TL partisipa iha resensiamentu eleitorál
Jornalista : Osoria Marques
Editór : Cancio Ximenes
