DILI, (TATOLI) – Sekretáriu Jerál g7+, Helder da Costa hatete Timor-Leste susesu garante inkluzaun Objetivu Dezenvolvimentu Sustentavel 16 sobre Pás, Justisa no Instituisaun Efikás.
Iha tinan haat liubá, fevereiru 2013, país sira hasoru malu iha Sentru Konvensaun Dili atu diskute oinsá estrutura dezenvolvimentu pós-2015 bele responde nesesidade país afetadu sira husi konflitu no krize.
“Ita alerta tiha ona husi menus progresu nasaun sira ne’ebé alkansa iha MDG tanba falta dame no instituisaun efetiva”, dehan Helder iha nia diskursu.
Nune’e hamutuk ho Ázia Pasífiku, CPLP, g7+ no sosiedade sivíl, setór privadu, no parseiru dezenvolvimentu hodi hasa’e lian atu suporta nasaun sira ne’ebé dalabarak lakon no husik iha kotuk. Ida ne’e parte husi advokasia kontinuidade husi g7+ ba konstrusaun pás no Estadu iha parte husi ajenda 2030.
“Agora tinan haat liubá, ita bele orgullu hatete katak esforsu ne’e kuaze selu ona”. g7+ fiar katak sei laiha dezenvolvimentu lahó dame, no laiha dame sein dezenvolvimentu. ODS 16 ne’e natureza universál maibé krítiku ba ema no komunidade iha país iha risku boot hanesan husik ba kotuk.
“Ita iha esperiénsia iha vantajen dezenvolvimentu, kauza husi konflitu, doensa, dezastre naturál, no mudansa klimátika, tenke rekonese”.
“Foku husi ita-nia esforsu atu atinje reziliénsia, estabilidade, no nesesidade dezenvolvimentu ba prioridade lejitimamente na dame”.
Daudaun ne’e servisu reál hahú. Banku Mundiál prevé katak husi 2030 estrema pobreza sei konsentra iha nasaun situasaun frajíl.
“Atu ODS susesu, ita, nasaun iha konflitu no frajíl, tenke susesu. Ne’e hanesan fó hanoin katak nasaun sira ne’e presiza iha responsabilidade ba tinan 15 ba oin se lakohi atu hela iha kotuk”.
Jornalista: Maria Auxiliadora
Editora: Rita Almeida
