DILI (TATOLI) – Ministru Petróleu, Hernâni Coelho sei partisipa iha reuniaun Ministru Enerjia Komunidade Nasaun Dalen Portugés (CPLP) durante loron rua iha Brazil, hahú iha 21 to’o 22 ho asuntu reuniaun tékniku ho polítiku ministru no pontu focal sira.
“Enkontru iha Brazil durante loron rua, hahú iha 21 to’o 22 Novembru maibé viajen mak naruk demais, ami sei halo enkontru tékniku, enkontru polítiku ho ministru pontu focal sira,” Ministru Petróleu, Hernâni Coelho ba jornalista sira iha Palásiu Governu hafoin reuniaun Konsellu Ministru, Tersa (15/11).
Oráriu servisu ne’ebé ministru sei halo aleinde partisipa enkontru mak halo mós estudu komparativu iha Brazil Hydro eletrisidade iha parte liña Súl Argentina iha loron 23 Novembru.
Razaun halo estudu komparativu iha fatin refere tanba Brazil iha barrajen boot ida um dos mayores produtores enerjia hosi bé nian tanba Timor hanesan nasaun foun presiza atu observa tanba iha hodi reforsa komponente importante iha plataforma kooperasaun enerjia renovavél nian.
Entretantu iha rua liu ba Timor-Leste prezide reuniaun ministru enerjia CPLP nian, ba tinan ida ne’e entrega hikas ba Brazil.
“Reuniaun ne’e konsidera faze inisiál maibé hanesan enkontru daruak ona ho órgaun ida estabelesidu resentemente maibé iha ona progresu,” Hernâni haktuir nia.
(Jornalista : Zezito Silva).
(Editór : Manuel Pinto)
