DILI (TATOLI)-Governu liuhosi reuniaun Konsellu-Ministru (km) estraordináriu lideradu hosi Primeiru-Ministru, Taur matan Ruak aprova ona dotasaun orsamentu temporáriu ba fulan Fevereiru ho montante $94.617.778.
Ministra Finansas en ezersísiu, Sara Lobo Brites hatete, hosi orsamentu ne’e fahe ba kategoria haat hanesan saláriu no vensimentu $ 16, millions, bens servisu millions $ 26 transferénsia públikas Millions $ 18 no kapitál dezenvolvimentu millions $ 32.
“Ohin Ministériu Finansas aprezenta Dotasaun Orsamentu temporáriu ba konsellu ministru no aprovadu,” dehan Ministra Brites iha konferénsia imprensa ohin, iha Palásiu Governu Díli.
Tuir dokumentu ofisial ne’ebé TATOLI asesu hosi Konsellu Ministru ohin, deskreve hosi total DOT ba Fevereiru millions $ 2 resin hodi selu ba Banku Dezenvolvimentu Aziátiku relasiona ho orsamentu impresizu ba kontrasaun Estrada iha Timor Leste.
Entretantu, iha fulan kotuk konsellu ministru aprova orsamentu rejime duodecimal ho montante millions $ 71.9 hodi garante funsionamentu mákina estadu.
Jornalista: Agapito dos Santos
Editór : Manuel Pinto
