Top

MAE Manda Ona Orden Ba Munisípiu Hodi Hala’o Limpeza Jerál

Vise-Ministru Administrasaun Estatál, Abílio José Caetano, kuarta, (19/2/2019). Imajen Egas Cristovão

DILI, (TATOLI) – Ministériu Administrasaun Estatal haruka ona karta orden servisu ba administradór munisípiu no Prezidente Autoridade munisipál ida-idak hodi hahú implementa rezolusaun governu hodi halo limpeza jerál iha kada sesta semana ikus, hosi tuku 14.00 to’o 17.00.

Objetivu hosi limpeza ne’e garante ambiente moos no saudavel. “Iha loron 20 ami enkontru ho administradór sira ha’u fó hatene kedas katak sei iha limpeza jerál kada sesta”, dehan Ministru Administrasaun Estatál en ezersísiu, Abílio José Caetano, ba jornalista sira iha Palásiu Governu, ohin.

Hatan kona-ba munisípiu balun la implementa rezolusaun governu ne’e, governante hatete rezolusaun sai tarde, tanba ne’e munisípiu sira la konsege organiza malu atu implementa polítika limpeza jerál iha semana kotuk.

Maibe nia hatete, munisípiu sira sei hahu ezekuta rezolusaun ne’e iha marsu fulan oin.

http://www.tatoli.tl/2019/02/governu-aprova-rezolusaun-limpeza-jeral/

Jornalista: Agapito dos Santos

Editora: Rita Almeida

Publisidade

Leave a Reply

Latest Post

error: Content is protected !!