DILI, 19 agostu 2019 (TATOLI)-Polisia Nasionál Timor-Leste (PNTL- sigla portugés) husi Seksaun Servisu Investigasaun Kriminál (PNSK) kontinua hala’o investigasaun kle’an ba iha membru grupu husi Rin Besi Asu Talin be Korrente (RATBK) hafoin sei haruka rezultadu investigasaun ne’e, ba tribunal hodi prosesa tuir lei ne’ebé iha.
Notísia Relevante : PNTL ho F-FDTL Detein Ema Nain 70 Nu’udar Grupu Rin Besi Asu Tali Be Korrente
“Ba grupu RATBK) ne’ebé iha loron hirak liu ba kaptura, daudaun ne’e ninia prosesu investigasaun nasionál kontinua la’o hela,” informa Segundu Komandante Jerál PNTL, Komisáriu Mateus Fernandes, ohin, hodi responde Jornalista sira iha Kuartél PNTL Munisípiu Dili.
Suspeitu hirak husi grupu RATBK ne’e detein hela iha sela polisia hodi kumpre oras 72 molok lori ba submete iha primeiru interrogatóriu iha Tribunal Distritál Dili.
Jornalista : Nelson de Sousa
Editór : Francisco Simões
