PNTL Bobonaro Entrega Ona Atributu Grupu Ilegál ba MP
DILI, 28 outubru 2019 (TATOLI)-Polisia Nasionál Timor-Leste (PNTL) Munisípiu Bobonaro, ohin, entrega ona atributu grupu ilegál ba Ministériu Públiku Bobonaro nian hodi prosesa tuir lei ne’ebé vigora.
Notísia Relevante : Semana oin, PNTL Bobonaro Aprezenta Atributu Arte Marsiál ba MP
Komandante PNTL Munisípiu Bobonaro, Superintendente Xefe Polisia, Octávio de Araújo Bucar, informa, ba Ajénsia TATOLI via telefone katak Servisu Investigasaun Kriminál Munisípiu Bobonaro entrega ona atributu hirak hosi grupu ilegál nian ba MP.
“Primeiru Sarjentu Polisia, Jacinto Celestino entrega atributu grupu ilegál ba Ofisiál Justisa, Yohanes Rui Carvalho Martins, ohin, tuku 16:35 Otl” informa Octávio de Araújo Bucar.
Notísia Relevante : PNTL Bobonaro Kaptura Membru Grupu Ilegál 300-resin
Kazu ne’e rejistu iha PNTL Bobonaro ho númeru 0041/19/DDDDVD.
Jornalista : Agapito dos Santos
Editór : Francisco Simões
