DILI, 24 setembru 2020 (TATOLI)-Klube Futeból Porto Taibesi, ho Sporting iha posibilidade atu tebe sai klube zigante kapitál Dili Karketu Dili, iha kopa Federasaun Futeból Timor-Leste époka 2020.
Iha kinta ne’e, ekipa, karketu konsege halakon ninia adversáriu Aitana ho eskoru 3-0 durante jogu kopa FFTL.
Maski klube ne’e iha ona pontu sia maibé sira-nia jogu ramata ona, enkuantu Porto Taibesi iha pontu neen no sei falta jogu rua, no Sporting Clube de Timor falta jogu rua ho pontu tolu tanba ne’e iha posibilidade tebe sai Karketu.
Durante joga, Jogadór Augosto da Cozta (11) husi Karketu Fc, maka hetan oportunidade hodi hatama golu tolu ba guarda rede Aitana FC iha minutu 9, 19 no 27.
Kompetisaun ne’e dirije husi árbitru Eufrasio Silva, Juiz liña Romário Tety, Almerio Barros no árbitru rezerva Elisio Lopes, sira konsege fó kartaun kinur ba jogadór, Aitana Armando Varela (13) iha minutu 32
Aleinde ne’e, Jogadórm, Jaimito Saores (3), Osvaldo Freitas (14), no Miguel Ximenes.
Enkuantu, jogadór karketu ne’ebé komete erru hasoru jogadór Aitana mak, Celcio Garcia (7) ’58 no Nelvio Amaral ’90+2.
Jornalista: Hortencio Sanchez
Editór : Agapito dos Santos
