LIQUIÇA, 06 maiu 2021 (TATOLI) – Xefe Suku Vatuboro, Postu Administrativu Maubara, Munisípiu Liquiça, Julio dos Santos, fó sasin katak Programa Nasional Dezenvolvimentu Suku (PNDS) ne’ebé hala’o iha Suku Vatuboro la’o di’ak, liu-liu dada bee-moos ba komunidade.
“Ami iha ne’e programa Governu nian PNDS iha Suku Vatuboro hatudu duni rezultadu di’ak, kona-ba dada bee-moos ba komunidade sira ne’e atinje 90% nune’e halo bee-moos iha ne’e ami ladún preokupa,” Xefe Suku Julio dos Santos haktuir ba Agência Tatoli iha Liquiça, kinta ne’e.
Suku Vatuboro hetan mós apoiu hosi doadór internasionál hosi Austrália hamutuk ho PNDS hodi dada bee-moos ba eskola sira iha Vatuboro.
Kona-ba eletrisidade maioria aldeia iha Suku refere asesu hotu ona, falta uma ka-in uitoan mak seidauk asesu no aldeia balun riin eletrisidade nian at.
Jornalista : Hortencio Sanchez
Editór : Francisco Simões
